UN Global Compact (UNGC) er sáttmáli Sameinuðu þjóðanna og atvinnulífs um ábyrga starfshætti þar sem fyrirtæki og stofnanir eru hvött til góðra verka í þágu samfélagsins með sjálfbærni að leiðarljósi.


Global Compact er ákall til fyrirtækja um að aðlaga rekstur og starfsemi sína þannig að hún byggir á tíu meginmarkmiðum sáttmálans sem skipta má í fjóra flokka mannréttindi, vinnumarkað, umhverfismál og varnir gegn spillingu. 


Hlutverk Global Compact er þannig fyrst og fremst að styðja við og hvetja fyrirtæki á sinni vegferð í ábyrgum rekstri og sjálfbærni á grundvelli tíu meginmarkmiða Global Compact og Heimsmarkmiða Sameinuðu þjóðanna. 


Lögð er áhersla á að aðilar að UN Global Compact fái tækifæri til að læra, vera leiðandi, efla tengslanetið og miðla árangri.


  • Við viljum að fyrirtæki öðlist þekkingu og færni til að taka framförum í sjálfbærni.
  • Við hvetjum fyrirtæki til að sýna frumkvæði og forystu og þannig hvetja önnur fyrirtæki á sinni sjálfbærnivegferð.
  • Við tengjum saman stjórnendur og sérfræðinga á landsvísu og út um allan heim til að læra hvert af öðru og hraða þannig árangri í sjálfbærni.
  • Við byggjum upp traust og trúverðugleika þar sem fyrirtæki miðla mælanlegum árangri í sjálfbærni í gegnum opinberan gagnagrunn UNGC (CoP).


Með þátttöku í Global Compact skuldbinda fyrirtæki sig til þess að innleiða hin tíu meginmarkmið sáttmálans í starfsemi sína. Þannig eru fyrirtæki ekki aðeins að halda uppi grunnskyldum sínum gagnvart fólki og umhverfi, heldur einnig skapa verðmæti fyrir atvinnulífið og samfélagið ásamt því að leggja grunn að árangri til lengri tíma.

Sameinuðu þjóðirnar og Global Compact

Upphaf sáttmála Sameinuðu þjóðanna, UN Global Compact, má rekja aftur til ársins 1999 þegar Kofi Annan, þáverandi aðalritari Sameinuðu þjóðanna, kynnti átak til að efla samfélagslega ábyrgð og sjálfbærni fyrirtækja á heimsvísu. Tilgangurinn var að stuðla að því að hið alþjóðlega viðskiptalíf fylgdi sameiginlegum gildum um ábyrga starfshætti. Sáttmálinn tók gildi árið 2000 og felur í sér leiðarljós fyrir fyrirtæki og stofnanir við innleiðingu ábyrgra starfshátta.

UN Global Compact heyrir undir framkvæmdastjóra Sameinuðu þjóðanna, Antonio Guterres sem er jafnframt starfandi stjórnarformaður.

Sanda Ojiambo, aðstoðarframkvæmdastjóri SÞ, er framkvæmdastjóri UN Global Compact.


UN Global Compact eru frjáls félagasamtök og ekki rekin í hagnaðarskyni.


Nánari upplýsingar

21 Years of the UN Global Compact Uniting Business for a Better World

Eitt markmiða í stefnu UN Global Compact er að fjölga löndum með staðbundna starfsemi. 


Í lok árs 2022 var ákveðið að ráða svæðisstjóra UN Global Compact á Íslandi með áformum um að auka áhrif framtaksins á Íslandi.  


Tilgangur UN Global Compact á Íslandi er að stuðla að markvissri samvinnu samtakanna við íslenskt atvinnulíf og hraða þannig þróun í sjálfbærni. Okkar verkefni er að efla tenglsamyndun aðila í UN Global Compact á heimsvísu, að hvetja og styðja við fyrirtæki á sinni vegferð með því að bjóða upp á fjölbreytta fræðslu og tækifæri til að miðla þekkingu.


Starfsfólk: 


Auður Hrefna Guðmundsdóttir, svæðisstjóri UN Global Compact á Íslandi.


Friðsemd Sveinsdóttir, verkefnastjóri UN Global Compact á Íslandi.


Hafa samband

Hlutverk ráðgjafarráðs (e. Leadership Council) UN Global Compact á Íslandi er að móta áherslur og markmið í starfsemi samtakanna og leggja til aðgerðir í því ljósi. Í ráðgjafaráði sitja fulltrúar þátttakenda í UNGC, hagaðilar, fulltrúar hins opinbera og fulltrúi úr háskólasamfélaginu.


Í ráðgjafaráði (e. Leadership Council) UN Global Compact á Íslandi sitja eftirfarandi aðilar:


  • Vicki Preibisch, (Chair), Vice President of Sustainability, Controlant
  • Daníel Svavarsson, Director General, Department of Policy Coordination, Prime Minister's Office
  • Hafþór Ægir Sigurjónsson, Ph.D., Head of Sustainability, KPMG
  • Halldór Þorgeirsson, Chair of the Icelandic Climate Council
  • Jóhanna Hlín Auðunsdóttir, Executive Director of Climate and Environment, Landsvirkjun
  • Kristrún Tinna Gunnarsdóttir, Head of Strategy and Sustainability, Íslandsbanki
  • Páll Ásgeir Guðmundsson, Head of Economics and Policy at the Confederation of Icelandic Employers
  • Stella Samúelsdóttir, Executive Director of UN Women, Iceland
  • Dr. Þröstur Olaf Sigurjónsson, Professor at the University of Iceland

Varamenn (Alternate Council members):


  • Hildur Tryggvadóttir Flóvenz, Sustainability Specialist at KPMG
  • Hugrún Elvarsdóttir, Project Manager and Sustainability Specialist at the Confederation of Icelandic Employers

Hafðu samband til að fá nánari upplýsingar um ráðgjafaráð UNGC á Íslandi.

Share by: