VERKFÆRI
UN Global Compact hefur þróað ýmis hagnýt verkfæri sem spanna ólíka þætti á sviði sjálfbærni.
Verkfærunum er ætlað að veita dýpri skilning á þeim skuldbindingum sem felast í þátttöku í UN Global Compact og hvernig má innleiða sjálfbærni á sviði mannréttinda, vinnumarkaðsréttinda, umhverfismála og vörnum gegn spillingu í kjarnarekstur fyrirtækja.
Living Wage Analysis tool - Greiningartól fyrir mannsæmandi laun
Tveir þriðju hlutar launafólks í heiminum starfa í einkageiranum og því geta fyrirtæki haft mikil áhrif þegar kemur að því að draga úr fátækt á heimsvísu. Með því að nýta greiningartólið, geta fyrirtæki lagt mat á stöðu sína þegar kemur að mannsæmandi launum í starfsemi sinni og í gegnum virðiskeðjuna.
Greiningartólið er byggt á alþjóðlegum stöðlum sem þróaðir eru af ILO (Alþjóðavinnumálastofnuninni) og leiðarljósum Sameinuðu þjóðanna um viðskipti og mannréttindi. Það er þróað í samvinnu við leiðandi fyrirtæki og stofnanir í gegnum vinnuhópinn UN Global Compact Think Lab on Living Wage
Um er að ræða notendavænt stafrænt tól sem hjálpar þátttökufyrirtækjum að meta núverandi stefnu sína, greina áhættur og tækifæri og setja sér raunhæf markmið. Matið er sett fram á skýru sniði þannig að fyrirtæki geti auðveldlega greint tækifæri til úrbóta.
Leiðbeiningar:
Achieving the Living Wage Ambition: Reference Sheet and Implementation Guidance | UN Global Compact
Decent Work Toolkit for Sustainable Procurement - Verkfærakassi fyrir sjálfbær innkaup
Innkaupateymi gegna lykilhlutverki þegar kemur að því að skapa sjálfbærar aðfangakeðjur. Greiningartækinu er ætlað að styðja innkaupateymi til að til að tileinka sér sjálfbæra starfshætti og þannig efla ábyrga viðskiptahætti í aðfangakeðjum fyrirtækisins.
Með greiningartólinu geta innkaupateymi fyrirtækja kynnt sér kröfur varðandi vinnuaðstæður og mannréttindi, og mótað ramma um sjálfbær innkaup.
SKOÐA VERKFÆRAKASSA UM SJÁLFBÆR INNKAUP
WEP Gender Gap Analysis Tool - Greiningartól fyrir jöfn tækifæri á vinnumarkaði
UN Global Compact og UN Women hafa þróað greiningartæki til að styðja fyrirtæki í að meta frammistöðu sína þegar þegar kemur að kynjajafnrétti og greina áskoranir og tækifæri til umbóta.
Greiningartólið er notendavænt og byggt á alþjóðlegum stöðlum eins og Women’s Empowerment Principles og þróað í samráði við yfir 170 fyrirtæki á heimsvísu.
UN LBGTIQ+ Standards Gap Analysis Tool - Greiningartól fyrir jafnrétti og inngildingu
Þetta tól styður fyrirtæki í að efla heilbrigða vinnustaðamenningu. Með tólinu geta fyrirtæki metið stefnu, núverandi starfshætti og menningu út frá siðareglum Sameinuðu þjóðanna um bann gegn mismunun og greint tækifæri til úrbóta í þágu jafnréttis og inngildingar LBGTIQ+. Greiningartólið gagnast fyrst og fremst mannauðsteymum, stjórnendum og regluvörslu.
LGBTIQ+ people | United Nations
SKOÐA GREININGARTÓL FYRIR JAFNRÉTTI OG INNGILDINGU
Water Stewardship Toolbox - Verkfærakassi til að stjórna vatnsáættu
Stærstu sjálfbærniáskoranir heimsins snúa meðal annars að vatni. Fyrirtæki geta nýtt tólið til að draga úr vatnstengdri áhættu auk þess að bæta vatnsnýtingu, draga úr umhverfisáhrifum, vernda mikilvægar vatnsauðlindir og styrkja aðfangakeðjuna. Verkfærakassinn nýtist starfsfólki í sjálfbærniverkefnum og stjórnendum, þar er að finna m.a. sjálfsmat (e. self assessment), dæmisögur (e. business cases) og handbækur (e. self tranining handbook).
SKOÐA VERKFÆRAKASSA TIL AÐ STJÓRNA VATNSÁHÆTTU