Tíu meginmarkmið
UN Global Compact
Markmið 1: Fyrirtæki styðji og virði vernd alþjóðlegra mannréttinda.
Markmið 2: Fyrirtæki tryggi að þau gerist ekki meðsek um mannréttindabrot.
Markmið 3: Fyrirtæki styðji við félagafrelsi og viðurkenni að fullu rétt til kjarasamninga.
Markmið 4: Fyriræki útiloki nauðungar- og þrælkunarvinnu.
Markmið 5: Fyrirtæki útiloki barnavinnu.
Markmið 6:
Fyrirtæki útiloki misrétti til vinnu og starfsvals.
Markmið 7: Fyrirtæki styðji beitingu varúðarreglu í umhverfismálum.
Markmið 8: Fyrirtæki sýni frumkvæði til aukinnar ábyrgðar í umhverfismálum.
Markmið 9: Fyrirtæki hvetji til þróunar og nýtingar á umhverfisvænni tækni.
Markmið 10: Fyrirtæki vinni gegn hvers kyns spillingu, þar með talið kúgun og mútum.
Tíu meginmarkmið UN Global Compact styðja við heimsmarkmið Sameinuðu þjóðanna.
Með þátttöku í Global Compact geta fyrirtæki tekið þátt í því að þróa markaðshagkerfi sem stuðlar að velferð samfélags og umhverfis með því að samtvinna tíu meginmarkmið Global Compact við heildarstefnu fyrirtækisins og þannig skilja að góðir starfshættir eða nýsköpun á einu sviði, geta ekki bætt upp fyrir að valda skaða á öðru.
Meginmarkmiðin tíu eru á sviði mannréttinda, vinnumarkaðsmála, umhverfismála og baráttu gegn hvers kyns spillingu.