Þátttaka í UN Global Compact er opin fyrirtækjum úr öllum atvinnugreinum
Betri viðskipti
UN Global Compact er sáttmáli um alþjóðlega viðurkennd gæðaviðmið sem staðfestir aðgerðir fyrirtækja í sjálfbærni. Stóraukin áhersla á sjálfbærni og heilbrigða viðskiptahætti er hluti af sífellt vaxandi kröfum neytenda um allan heim og lagaumhverfi fyrirtækja markast sífellt meir af málefnum sjálfbærni. Þessi þróun er komin til að vera. Þátttaka í Global Compact skerpir á sjalfbærniaðgerðum fyrirtækja og er liður í að auka trúverðugleika og styrkja orðspor.
Einfaldur leiðarvísir
Að skilja hvað felst í sjálfbærni og ábyrgð fyrirtækja í því samhengi er viðamikið og flókið verkefni. Global Compact er einfaldur og markviss leiðarvísir sem aðstoðar fyrirtæki við að ramma inn stefnu fyrirtækisins á sviði sjálfbærni og tengja hana við grundvallargildi í rekstri. Global Compact hentar fyrir fyrirtæki sem eru að stíga sín fyrstu skref í sjálfbærni sem og þau sem eru lengra komin.
Stuðningur og fræðsla
Þátttakendur Global Compact fá aðgang að stuðnings- og fræðsluefni sem er byggt á umfangsmikilli þekkingu og reynslu færustu sérfræðinga. Þetta eru m.a. rafræn námskeið, viðburðir, þátttaka í Hröðlum (e. Accelerator) og jafningjafræðslu, aðgengi að skýrslum og leiðbeiningum ásamt öðrum verkfærum sem hægt er að nýta eftir þörfum. Að lokinni fræðslu fá þátttakendur viðurkenningarskjal frá UNGC Academy.
Sýnilegur árangur
Virk þátttaka í starfi Global Compact eykur eykur áhrif og hraðar árangri í sjálfbærni. Þátttakendur í Global Compact sýna fram á árangur og framfarir gagnvart tíu meginmarkmiðum UNGC og heimsmarkmiðum Sameinuðu þjóðanna um sjálfbæra þróun í gegnum stafrænan gangagrunn (CoP) sem eru birtar á heimasíðu UN Global Compact. Þá hafa þátttakendur Global Compact leyfi til að nota "We Support" lógó UN Global Compact á heimasíðu og í kynningum.
Einstakt alþjóðlegt tengslanet
Með þátttöku verður fyrirtækið hluti af alþjóðlegu tengslaneti Global Compact þar sem lögð er áhersla á samvinnu og að miðla bestu aðferðum. Við erum með þátttakendur í nær öllum atvinnugreinum í 162 löndum. Þátttakendur í Global Compact hafa kost á að taka þátt í viðburðum samtakanna um allan heim.
Staðarnet Global Compact á Norðurlöndum vinna til að mynda náið saman. Því býðst íslenskum fyrirtækjum að taka þátt í viðburðum, lengri námskeiðum, skipulögðum fundum og ráðstefnum þar sem fyrirtæki koma saman og miðla reynslu sinni.
Þátttaka í UN Global Compact er opin fyrirtækjum úr öllum atvinnugreinum sem eru tilbúin að skuldbinda sig til að innleiða tíu meginreglur UN Global Compact í rekstur sinn. Sem mikilvægir hagsmunaaðilar geta samtök og stofnanir sem eru ekki í atvinnurekstri orðið þátttakendur í UN Global Compact. Þátttaka er óháð fjölda starfsfólks og veltu.
UN Global Compact samþykkir ekki öll fyrirtæki sem þátttakendur Sem dæmi um fyrirtæki sem geta ekki tekið þátt má nefna fyrirtæki í tóbaks-og vopnaframleiðslu.
Nánari upplýsingar um hverjir geta sótt um.
UN Global Compact eru frjáls félagasamtök og ekki rekin í hagnaðarskyni. Hægt er að styrkja samtökin með því að gerast þátttakandi í Global Compact og með frjálsum framlögum.
Allir lögaðilar sem taka þátt í viðskiptum, svo sem hlutafélag eða sameignarfélag, með að minnsta kosti 250 starfsmenn í föstu starfi og/eða ríkisfyrirtæki.
Lítil og meðalstór fyrirtæki með færri en 250 starfsmenn. Fyrirtæki þurfa að hafa að minnsta kosti einn fastan starfsmann og virkan rekstur.
Félög og stofnanir sem falla undir eftirfarandi flokka; háskólar, viðskiptasamtök, borgir og sveitarfélög, hagaðilar, opinberar stofnanir og samtök um samfélagsábyrgð fyrirtækja.
Axla ábyrgð á skýran og markvissan hátt
Með þátttöku aðlaga fyrirtæki rekstur sinn að tíu meginmarkmiðum UN Global Compact, grípa til aðgerða þar sem þess er þörf og styrkja þannig stefnu sína í sjálfbærnimálum. Skuldbinding stjórnenda endurspeglar vilja fyrirtækisins til að axla ábyrgð á lykilsviðunum fjórum sem Global Compact grundvallast á: mannréttindum, vinnuafli, umhverfi og baráttu gegn spillingu.
Sýna fram á árangur á gagnsæjan hátt
Fyrirtæki fá vettvang til að miðla upplýsingum um stöðu og framfarir í sjálfbærnimálum með árlegri framvinduskýrslu (e. Communication on Progress, CoP) og yfirlýsingu um skuldbindingu (e. Letter of commitment). Þannig sýna þátttökufyrirtæki Global Compact fram á árangur og fylgjast með framvindu á skýran, mælanlegan og gagnsæjan hátt. Yfirlýsingu og upplýsingum er miðlað í gegnum stafrænan gagnagrunn.
Taka virkan þátt í starfi UN Global Compact
Þátttökufyrirtæki Global Compact taka virkan þátt í því starfi sem Global Compact býður upp á. Því er gert ráð fyrir að fyrirtæki nýti sér margvísleg tækifæri sem fylgja þátttöku og verði þannig hluti af því öfluga tengslaneti sem einkennir samtökin.
Leggja stærstu samtökum heims um sjálfbæra viðskiptahætti lið
Allir þátttakendur Global Compact leggja fram árlegt fjárframlag til að styðja við starf UN Global Compact.
Framlag þátttakenda gerir okkur kleift að veita áframhaldandi stuðning við þúsundir þátttakenda víðsvegar um heiminn og knýja fram framfarir í sjálfbærni fyrirtækja.
