Circular Economy Starter Pack

Utanríkisráðuneytið og UN Global Compact á Íslandi bjóða til lokaðs morgunverðarfundar með Rania Dagash-Kamara, aðstoðarframkvæmdastjóra Matvælaáætlunar Sameinuðu þjóðanna (WFP), miðvikudaginn 30. september í Húsi atvinnulífsins. Fundurinn er hugsaður sem gagnvirkt samtal þar sem þátttakendur ræða beint við Rania og aðra fulltrúa WFP um möguleg samstarfstækifæri. WFP eru stærstu mannúðarsamtök í heimi og starfa meðal annars á sviði neyðaraðstoðar, flutninga, nýsköpunar o.fl. Samtökin leggja nú aukna áherslu á samstarf við atvinnulífið og vilja kanna sérstaklega hvernig þekking, lausnir og reynsla íslenskra fyrirtækja gætu nýst í því samhengi. Auður Hrefna Guðmundsdóttir, framkvæmdastjóri UN Global Compact á Íslandi, opnar fundinn. Rania flytur því næst erindi og svo hefjast opnar umræður, þar sem þátttakendur ræða hvar sérstaða fyrirtækja þeirra liggur og hvernig byggja megi upp samstarf sem er hagnýtt, trúverðugt og getur vaxið. Hagnýtar upplýsingar Dagsetning: Miðvikudagurinn 30. september 2026 Tími: Húsið opnar kl. 8:30, fundurinn stendur frá kl. 9 til 10 Staður: Hús atvinnulífsins, Borgartún 35, 105 Reykjavík Fundurinn er eingöngu fyrir boðsgesti og sætafjöldi er takmarkaður. Fyrirtæki sem hafa áhuga á að taka þátt geta haft samband við Auði Hrefnu á audur@globalcompact.is fyrir lok dags föstudagsins 25. september.

Heimsmarkmiðin kalla á okkur öll - 25. september 2026

Þessu mælum við með á UNGA og Climate Week 2026 Dagana 20.–27. september fer fram allsherjarþing Sameinuðu þjóðanna (UNGA) og Climate Week NYC í New York. Um er að ræða eina stærstu samkomu ársins þar sem stjórnvöld, fyrirtæki og félagasamtök koma saman. Það eru meira en 1000 viðburðir í boði en hér eru þeir viðburðir sem UN Global Compact á Íslandi mælir sérstaklega með. Sunnudagur 20. september Launch to UNGA and Climate Week – Scandinavia House, 17:00–20:00. Samstarfsaðilar: Miltton, norrænu UNGC-netin, ræðismannsskrifstofan, UNGC í Bandaríkjunum og Kanada. Skráning: https://tapahtumat.globalcompact.fi/registration-ungc-miltton-new-sustainability Mánudagur 21. september Skanska & UN Global Compact Nordic Networks Roundtable - Empire State Building 8:00-10:30. Invite only - áhugasamir um þátttöku hafi samband audur@globalcompact.is Solving the Paradox – Danish Event, Hudson Yards. Sýna áhuga á þátttöku: https://mfa-events.dk/partnershipsforthefuture26/climate-finance-summit Miðvikudagur 23. september Towards COP31 Event by the Finnish Pavillion , 12:00–13:30. Skráning: https://tapahtumat.globalcompact.fi/towards-cop31 Circular Innovations & Resilient Futures: Insights From the Arctic, 14:00–17:00. Skráning: https://www.lyyti.fi/reg/Climate-Week-Arctic-Registration Fimmtudagur 24. september Nordic Summit: Resilient Cities – Scandinavia House / Nordic Consulates, 08:30–11:00. Skráning: https://luma.com/gc91v8ib Cold Capitals: Beyond Power – 12:30–14:30. Skráning: https://share-eu1.hsforms.com/16jkhJ-ejRl2V1F1mmn3Pjw2eythf Sauna Diplomacy from Finland: Hot Ideas for a Circular Future , 15:00–17:00. Skráning: https://www.lyyti.fi/reg/Sauna-Diplomacy-Register Nánari upplýsingar um hliðarviðburði United Nations Global Compact á UNGA81: https://events.unglobalcompact.org/sideevents2026

Vefnámskeið UN Global Compact og UNODC – 16. september 2026 G-ið í ESG fær oft minnstu athyglina en heldur samt hinum tveimur uppi. Spillingarvarnir og siðferði eru órjúfanlegur hluti sjálfbærnistarfs og forsenda þess að það standist skoðun. UN Global Compact og Skrifstofa Sameinuðu þjóðanna um fíkniefni og afbrot (UNODC) standa fyrir vefnámskeiði um hvernig fyrirtæki geta fléttað hvort tveggja inn í stjórnarhætti, áhættustýringu og daglegar ákvarðanir – í stað þess að regluvarsla sé afmarkað verkefni á einu borði. Námskeiðið heitir An Integrated Approach: Enhancing Compliance Through a Transformational Governance Lens Námskeiðið byggir á nýrri útgáfu leiðarvísis stofnananna, An Anti-Corruption Ethics and Compliance Programme for Business: A Practical Guide (2. útgáfa, 2026), sem setur nýtt viðmið Sameinuðu þjóðanna um heilindi í rekstri. Meðal umfjöllunarefna : Samþætt nálgun á regluvörslu í stað einangraðrar einingar Breyttar væntingar hagaðila og aukin krafa regluverks Áhættustýring í flóknu rekstrarumhverfi Heilindi sem forsenda sjálfbærni og langtímarekstrarhæfis Á erindi við starfsfólk á sviði lögfræði, regluvörslu, áhættustýringar, innkaupa, innri endurskoðunar og sjálfbærni. Sérstaklega hjá fyrirtækjum með alþjóðlega starfsemi, umfangsmiklar birgjakeðjur eða aðkomu að opinberum innkaupum. Námskeiðið fer fram þann 16. september 2026 , kl. 14:00–15:30 að íslenskum tíma . Tungumál: Enska (þýðing í boði á spænsku, portúgölsku og frönsku) Upptaka: Í boði fyrir skráða Skráning: info.unglobalcompact.org/anticorruption-s1 Leiðarvísirinn í heild sinni: unglobalcompact.org/library/6344

Skanska Group og norrænu net UN Global Compact bjóða til lokaðs forstjórahringborðs á Climate Week NYC, sem fer fram kl. 8:30–10:30 (morgunverður og tengslamyndun frá kl. 8:00) mánudaginn 21. september , í Empire State byggingunni. Anders Danielsson, forstjóri Skanska Group, er gestgjafi þessa lokaða samtals — „From Uncertainty to Investment" — þar sem úrvalshópur forstjóra og viðskiptaleiðtoga úr raunhagkerfinu og fjármálageiranum ræðir samkeppnishæfni og viðnámsþol, umbreytingu orku- og innviðakerfa, og hvernig sjálfbærnimarkmið verða að viðskiptalegum veruleika. Fundurinn fer fram undir Chatham House reglunni og er hugsaður fyrir hreinskilnar og framsýnar umræður leiðtoga sem móta næsta skeið sjálfbærs vaxtar. Þátttaka er takmörkuð til að tryggja markvissar umræður. Viðburðurinn er eingöngu fyrir boðsgesti. Nánari upplýsingar um hliðarviðburði United Nations Global Compact á UNGA81: https://events.unglobalcompact.org/sideevents2026 Hafið samband við audur@globalcompact.is fyrir nánari upplýsingar.

UN Global Compact Network á Norðurlöndunum standa fyrir opinni vefnámskeiðaröð um fyrirtæki og mannréttindi, í tilefni af 15 ára afmæli leiðbeinandi meginreglna Sameinuðu þjóðanna um fyrirtæki og mannréttindi (UNGP). Þrátt fyrir 15 ár af meginreglunum glíma mörg fyrirtæki enn við að koma þeim í framkvæmd og er það viðfangsefni raðarinnar. Næsti þáttur: Decent Work and Stakeholder Engagement Hvernig geta fyrirtæki virkjað starfsfólk og hagaðilasamráð þannig að það byggi upp traust og leiði til betri ákvarðana? Fjallað verður m.a. um þátttöku starfsfólks og hagaðila, inngildingu sem hluta af mannréttindaáreiðanleikakönnun (human rights due diligence) og hagnýtar áskoranir og góðar starfsvenjur í norrænu samhengi.  Námskeiðið fer fram á Zoom þann 10. september 2026, kl. 11:00–12:15 að íslenskum tíma. Þátttaka er gjaldfrjáls og upptaka aðgengileg eftir að námskeiði líkur fyrir skráða. Skráning: globalcompact.fi/human-rights-talks Dagskrá raðarinnar í heild: globalcompact.se/business-human-rights-talks Framundan í röðinni: 19. nóvember – áhætta og tækifæri gervigreindar út frá mannréttindum.

Námskeiðið byggir á nýjum leiðarvísi frá CFO Coalition for the SDGs, Business-Led Blended Finance Playbook, sem sýnir hvernig fyrirtæki geta farið frá því að vera óvirkir þiggjendur fjármögnunar yfir í að hanna, móta og leiða eigin fjármögnunarlausnir.

Er fyrirtækið þitt með samþykkt SBTi-markmið eða stefnir það á kolefnishlutleysi á næstu árum? Science Based Targets initiative (SBTi) hefur gefið út Corporate Net-Zero Standard V2, sem felur í sér skýrari kröfur og aukna áherslu á losun í virðiskeðjunni (Scope 3) – þann losunarflokk sem vegur þyngst hjá flestum fyrir

Auður Hrefna Guðmundsdóttir, framkvæmdastjóri UN Global Compact Ísland, hefur lokið Claude AI námskeiðinu á íslensku og hlotið staðfestingu á AI-læsi (Certificate of Completion — Staðfesting á AI-læsi með Claude). Námskeiðið er liður í markvissri uppbyggingu félagsins, þar sem áhersla er lögð á að nýta gervigreind af þekkingu, ábyrgð og með skýrum ramma. Nýtt félag byggt á ábyrgum grunni UN Global Compact Ísland er ungt félag í örum vexti. Stjórn og framkvæmdastjóri hafa lagt áherslu á að byggja starfsemina upp í anda þeirra tíu meginmarkmiða sem félagið stendur fyrir á sviði mannréttinda, vinnumarkaðsmála, umhverfisverndar og baráttu gegn spillingu. Þetta á ekki síður við um nýjar tæknilausnir. „Þegar verið er að byggja upp nýtt félag skiptir máli að gera það rétt frá byrjun,“ segir Auður Hrefna. „Gervigreindin er komin til að vera og hún getur hjálpað litlu skrifstofunni okkar að veita þátttakendum okkar betri þjónustu og ná sínum markmiðum. En þá þarf að nota hana rétt.” Hvers vegna AI-læsi skiptir máli United Nations Global Compact hefur á alþjóðavísu lagt áherslu á að gervigreind sé bæði tækifæri og áhætta fyrir sjálfbæran rekstur. Í greiningu samtakanna um gervigreind og Heimsmarkmiðin kemur fram að gervigreind hafi möguleika á að styðja við mannréttindi, bæta vinnuaðstæður, vernda umhverfið og vinna gegn spillingu en að fullnýting þeirra möguleika krefjist meðvitaðrar hönnunar, ábyrgrar stjórnunar og þátttöku breiðs hóps. Skýrsla UN Global Compact og Accenture, Generative AI for the Global Goals , tekur í sama streng og hvetur til ábyrgrar þróunar gervigreindar þar sem nýsköpun er í jafnvægi við inngildingu, sjálfbærni og sanngirni. Fyrir lítið félag eins og UNGC Ísland þýðir þetta í verki að starfsfólk skilji hvað gervigreindin getur og hvað hún getur ekki. Þannig nýtist hún best þar sem hún léttir undir í verkefnum, yfirferð, þýðingum, undirbúningi fræðsluefnis og samantektum svo tími starfsfólks fari frekar í það sem skiptir mestu máli sem eru samskipti við þátttökufyrirtæki, að byggja upp tengsl og efla samstarf. Gervigreindin kemur ekki í staðinn fyrir fólk Hjá UN Global Compact Ísland er gervigreindin nýtt sem aðstoðartæki í daglegum störfum m.a. til undirbúnings fræðslu- og markaðsefnis og greininga en aldrei til að taka yfir mannlegt mat eða samskipti við fólk. „Gervigreindin getur hjálpað mér að semja texta og bæta góðar hugmyndir, en hún getur ekki skapað þessa dýnamík sem verður til í samtali milli okkar og þátttakenda, þar er einlægnin, hluttekningin og augnablikin þegar tveir fá saman góða hugmynd um hvernig takast má á við áskoranir og samgleðjast þegar vel gengur.“ segir Auður Hrefna. „Hún getur ekki lesið milli línanna í samtali, hún ber ekki ábyrgð og hún getur ekki staðið fyrir gildum félagsins. Það gerum við.“ Brúin milli alþjóðlegra viðmiða og íslensks atvinnulífs UN Global Compact Ísland mun halda áfram að gera gervigreindina að umræðuefni og styðja við fyrirtæki á þessari vegferð á næstu misserum, meðal annars með viðburðum og fræðslu. Þátttökufyrirtæki hafa nú þegar aðgang að námskeiðunum AI and Human Rights 101 og Responsible Investing into AI , sem gefa fyrirtækjum verkfæri til ábyrgrar þróunar og innleiðingar gervigreindar. „Við hvetjum þátttökufyrirtækin okkar til að nýta sér þessa fræðslu og vera leiðandi í samtalinu um ábyrga gervigreind, því hvernig við nýtum hana skiptir samfélagið allt máli. Hvað varðar félagið á Íslandi þá ætlum við að sýna í verki að það er hægt að byggja upp lítið félag með nútíma tækni án þess að gefa afslátt af gildunum okkar,“ segir Auður Hrefna. Námskeið UN Global Compact um ábyrga þróun og innleiðingu á gervigreind má finna hér: https://unglobalcompact.org/academy/responsible-ai-navigator